Friday, December 27, 2019

சிறுநீரகத்தை ஆரோக்கியமாக வைக்க என்ன வழி thanks to dinamalar.com


பதிவு செய்த நாள்

24டிச
2019
00:00
* சிறுநீரகத்தின் முக்கியத்துவம் என்ன?
நாம் உண்ணும் உணவில் இருக்கும் விஷத்தன்மை கொண்ட, தீங்கு விளைவிக்கக்கூடிய கழிவு, திரவப்பொருட்களை வெளியேற்றுவதுடன், நீரின் சமநிலையை பாதுகாத்து, உடலுக்கு தேவையான தாது உப்புக்கள், சத்துக்களை பிரித்து வழங்கி, கழிவுகளை சிறுநீராக உருவாக்கி வெளியேற்றுகின்றன சிறுநீரகங்கள். இது மனிதர்களின் சுத்திகரிப்பு நிலையம்.

* சர்க்கரை நோய்க்கும், சீறுநீரக பாதிப்புக்கும் சம்பந்தம் உண்டா?
உண்டு. நம் உடலில் உள்ள சர்க்கரையை தேவையான சக்தியாக மாறுவதற்கு இன்சுலின் வேண்டும். ரத்தத்தில் உள்ள சர்க்கரை அளவும் அதை சக்தியாக மாற்றி பயன்படுத்திக் கொள்ள தேவையான இன்சுலினும் சரியான விகிதத்தில் இருக்கும் வரை, சிறுநீரகத்தில் அனைத்துப் பணிகளும் சுமூகமாக நடக்கும். மாறாக இன்சுலின் அளவு குறைந்து, ரத்த சர்க்கரை அதிகரிக்கும் போது, அந்த சர்க்கரை சிறுநீரகம் வந்தடைவதால் பிரச்னை ஏற்படும். இது தொடர்ந்து வருவதால்தான் சர்க்கரை பாதிப்பு உள்ளவர்களுக்கு அடிக்கடி சிறுநீர் கழிக்க வேண்டிய சூழ்நிலையும் ஏற்படுகிறது.

* சர்க்கரை நோயாளிகளுக்கு சிறுநீரக பாதிப்பு எவ்வாறு ஏற்படுகிறது?
கழிவுகளை பிரித்து வெளியேற்றும் சிறுநீரகத்தில் ரத்த சர்க்கரை மூலம் அதீத சர்க்கரை சேரும் போது சிறுநீரகங்கள் அதன் பண்பை சிறிது சிறிதாக இழக்கும். மேலும், உடலுக்கு தேவையான தண்ணீர், தாதுக்களையும் வெளியேற்றிவிடுகிறது. அதனால் சர்க்கரை நோய் உள்ளவர்களுக்கு அதிக தாகம் ஏற்படுகிறது. அடுத்தகட்டமாக சிறுநீரகத்தில் மிக முக்கிய பணியாற்றும் 'நெப்ரான்'கள் (வடிகட்டி) அதிக சேதம் அடைகிறது. இதனால் உடலுக்கு அவசிய தேவையான 'அல்புமின்' நுண் புரதம் சிறுநீர் வழியே வெளியேறுகிறது. இதுதான் சர்க்கரை நோய் பாதிக்கப்பட்டவருக்கு சிறுநீரகம் பாதிப்பு ஏற்படுவதற்கான முதல் அறிகுறி.

* சிறுநீரக பாதிப்பு அறிகுறிகள் என்ன?
பாதிப்பு ஏற்பட்ட உடன் ரத்த அழுத்தம் அதிகரிக்கும். கண் விழித்திரையில் பாதிப்பு ஏற்படும். பார்வை குறையும். கை, கால், கணுக்காலில் வீக்கம் உண்டாகும். காலையில் எழும்போது கண் இமைகளுக்குக் கீழ் வீக்கம் உண்டாகும். சிறுநீர் பிரிவது குறைவது, பசியில்லாத நிலைமை, களைப்பு, மூச்சுத்திணறல், நாக்கில் உலோகச் சுவையுணர்வு போன்று அறிகுறிகள் தோன்றும். இதனால் சிறுநீரகப் பாதிப்பை ஓரளவு தெரிந்து கொள்ளலாம். நோயை உறுதிப்படுத்த மற்ற பரிசோதனைகளையும் செய்வது அவசியம்.

* பரிசோதனைகள் என்ன?
நுண் புரத பரிசோதனை, புரதப் பரிசோதனை, ரத்தத்தில் யூரியாவின் அளவு, கிரியாடின், ரத்த அயனிகள் போன்றவற்றின் அளவுகளைப் பரிசோதிக்க வேண்டும். சிறுநீரில் புரதம் வெளியேறுவது தெரிந்தால் யூரியா 40 மி.கி., அதிகமாகவும், கிரியாட்டின் 1.2 மி.கி., சதவீதத்திற்கு அதிகமாகவும் இருந்தால், சிறுநீரக பாதிப்பை உறுதி செய்யலாம். சர்க்கரை நோயாளிகள் இந்த பரிசோதனைகளை ஆண்டிற்கு ஒரு முறையாவது செய்வது அவசியம். நுண்புரதம் சிறுநீரில் வெளியாகும் நிலை ஏற்பட்ட பிறகு சிகிச்சை மேற்கொள்ள தவறியவர்களுக்கு அடுத்த மூன்றாண்டுகளில் வெண்புரதம் சிறுநீரில் வெளியாகிவிடும். இதனால் 30 வயதிற்கு மேல் உள்ள அனைவரும் 'மாஸ்டர் செக் அப்' செய்வது கட்டாயம்.

* எவ்வாறு சிகிச்சைகள் மேற்கொள்வது?
ஆரம்பநிலை ரத்த சர்க்கரை அளவை கட்டுப்படுத்தினால் சிறுநீரக பாதிப்பும் கட்டுக்குள் வந்துவிடும். ரத்த அழுத்தத்தை கட்டுப்படுத்துவதன் மூலமும் சீறுநீரக பாதிப்பை கட்டுப்படுத்தலாம். புரதச்சத்து குறைந்த உணவும் சிறுநீரகங்களின் வேலைப்பளுவைக் குறைக்கும். கால்சியம், ரத்த ஊட்டச்சத்து மாத்திரைகள் தரப்படும். சிறுநீரக பாதிப்பிற்கு 'டயாலிசிஸ்' சிகிச்சை முறை என்பது சிறுநீரகம் செய்யும் வேலையை நோயாளியின் ரத்தத்தை டியூப் மூலம் வெளியே கொண்டு வந்து மிஷின் மூலம் சுத்திகரிப்பு செய்து உடலுக்குள் ரத்தத்தை மீண்டும் செலுத்தும் முறையாகும். இதை எல்லாம் கடந்த நிலையில் நோய் பாதிப்பில் இருந்து மீட்கவே முடியாத பட்சத்தில் 'சிறுநீரக மாற்று அறுவை சிகிச்சை' செய்கிறோம்.

* உணவு கட்டுப் பாடுகளால் பாதிப்பை தவிர்க்கலாமா?
பாதிப்பு இருப்பவர்கள் டாக்டர்களின் பரிந்துரைப்படி, குடிக்கும் தண்ணீரின் அளவு அதிகரித்துவிடாமல் பார்த்துக் கொள்ள வேண்டும். உணவில் உப்பின் அளவையும், புரதச் சத்துள்ள உணவுகளையும் குறைத்துக் கொள்ள வேண்டும். முக்கியமாக பால், அதில் தயாரிக்கப்பட்ட உணவுகள், பருப்பு, பயறு வகைகள், மீன் வேண்டாம். வத்தல், வடகம், சிப்ஸ், கருவாடு, தேங்காய், ஊறுகாய், கிழங்குகள், எலுமிச்சை, ஆரஞ்சு மற்றும் இறைச்சி போன்ற அசைவ உணவுகளை தவிர்க்கலாம். அரிசி, ரவை, அவல் போன்ற மாவுப் பொருளில் தயாரிக்கப்பட்ட உணவுகள் நல்லது. கட்டுப்பாடு இல்லாத சர்க்கரையினால் வரும் பக்க விளைவுகளை தடுப்பதற்கு சர்க்கரை நோய் பாதித்த முதல் நாளில் இருந்தே தீவிர கட்டுப்பாடுகளில் ஈடுபட்டு சர்க்கரையின் அளவை கட்டுக்குள் வைத்தால் சீறுநீரக பாதிப்பின்றி தப்பிக்கலாம்.

டாக்டர் என். மோகன வெங்கட்டராமன்
சர்க்கரை நோய் சிறப்பு நிபுணர்
தேனி
90470 06573

மரங்களும் மருத்துவ பயன்களும் thanks to dinamalar,com


 மரங்களும் மருத்துவ பயன்களும்
ஞானசம்பந்தர், நாவுக்கரசர், சுந்தரர் ஆகிய தேவார மூவர் தங்களுடைய தீந்தமிழால், பண் சுமந்த பாடல்களை பாடினர். தமிழகம் முழுவதும் உள்ள தலங்களை வழிபாடு செய்து இசைத்தமிழால் பக்தி நீரூற்றி பண்பாட்டை வளர்த்தனர். ஒவ்வொரு திருக்கோயிலுக்கும், ஒரு தல மரம் உண்டு. மரத்தின் மருத்துவ குணத்திற்கும் அங்கு உறையும் இறைவனின் அருட்திறத்திற்கும் உள்ள தொடர்பினை தேவார மூவர் மற்றும் ஆழ்வார்கள் பாடியுள்ளனர்.இறைவனை உருவமாகவும் அருவமாகவும் வழிபடத் தொடங்கிய காலத்தில் அவ்வழிபாடு ஊர்ப்பொதுவில் ஊர்மக்கள் கூடுவதற்கு வசதியான நிழல்தரும் அழகு மிக்க மரத்தடியிலேயே வழிபாடுகள் நடைபெற்றன. இந்நடைமுறையை இன்றும் சிற்றுார்களில் காணலாம். அவ்வாறான மரங்களிலேயே இறைவன் தங்குவதாக நம்பி அம்மரங்கள் பட்டுப்போன பிறகு எஞ்சிய அடிமரத்தை வணங்கி வரலாயினர்.மதுரை சுந்தரேஸ்வரர் கோயிலில் பழைய கடம்ப மரம் வெள்ளித்தகட்டால் சுற்றப்பட்டு வழிபடப்படுவதை இன்றும் காணலாம்.
மரத்தடி கோயில்கள்
மரத்தையும் மரத்தடியில் வைக்கப்பட்ட இறை உருவத்தையும் வழிபட்ட பின்னர் மரத்தடியிலேயே கோயில்கள் கட்டப் பெற்றன. திருவானைக்காவில் கருவறைப் பக்கத்திலுள்ள பழமையான நாவல் மரம் இத்தகையதே. அம்மரம் தலமரம் எனப்பெற்றது. பல திருக்கோயில்களும் ஊர்களும் தலமரங்களின் பெயராலேயே அமைந்து உள்ளன. கடம்பந்துறை, ஆலங்காடு, நெல்லிக்கா முதலியன தலமரத்தின் பெயராலேயே அமைந்தவை. இறைவன் மரத்தின் கீழ் உறைவதாகத் திருமுறைகளிலும் திவ்விய பிரபந்தங்களிலும் குறிப்பிடப்பட்டுள்ளன. சிவபிரான் கல்லால மரத்தின் கீழிருந்து அறநுால்கள் அருளியதைக் “கல்லாலின் கீழ் அறங்கள் சொல்லினான்காண்” என்றும் திருவானைக்காவில் நாவல் மரத்தின் கீழ் அமர்ந்துள்ளதை “வெண்ணாவலின் மேவியவெம் அழகா” என்றும் குறிப்பிட்டனர்.திருவேட்டக்குடி என்னும் தலத்தில் புன்னைமர நிழலில் இறைவன் அமர்ந்துள்ளதைப் “புன்னை நன்னிழல் கீழமரும் இறை” என்று திருஞானசம்பந்தர் குறிப்பிட்டார்.திருப்பெருந்துறையில் குருந்த மரத்தடியில் இறைவன் குருவடிவாகி மாணிக்க வாசகருக்கு மெய்யறிவு உணர்த்தியதைத் “திருப்பெருந்துறையில் செழுமலர் குருந்தம மேவியசீர் ஆதியே” என்று திருவாசகம் குறிப்பிடுகிறது. மரத்தின் கீழோ மரத்திலோ உறைவதாகக் குறிப்பிடாமல் தலமரங்களின் பெயர்கள் தேவாரத்தின் பல பாடல்களில் காணப்படுகின்றன.

சித்த மருத்துவம்

தமிழகத்தின் தொன்றுதொட்ட மருத்துவம் சித்த மருத்துவமே. நாட்டு மருத்துவம், தமிழ் மருத்துவம் என்பதும் இதுவே. சித்த மருத்துவத்தில் மூலிகைகளே முதலிடம் வகிக்கின்றன. நம் உணவில் மிளகு, மஞ்சள், இஞ்சி, கொத்தமல்லி முதலிய மருந்துப் பொருள்களால் இயன்ற சாறு, குழம்பு வகைகள் மருத்துவப் பயன் கருதியே தொன்று தொட்டுப் பயன்படுத்தப்பட்டு வருகின்றன. தமிழகத்து உணவு, மருத்துவ முறையிலேயே சமைக்கப்பட்டு வருகிறது.பச்சரிசி உடற்சூடு ஏற்படுத்துவதால் புழுங்கலரிசியாக்கப்படுகிறது. வாழைக்காய் வாதம் பெருக்கும் என்பதால் அவித்து பயன்படுத்தப்படுகிறது. மசாலாச் சரக்குகளில் மஞ்சள் நெஞ்சுச் சளியை முறிக்கும். கொத்தமல்லி பித்தத்தைச் சமனப்படுத்தும், சீரகம் வயிற்றுச் சூட்டைத் தணிக்கும், மிளகு தொண்டைக் கட்டை அகற்றும், வெங்காயமும், பூண்டும் ரத்தக் குழாய்களைத் துாய்மைப்படுத்தும், கறிவேப்பிலை உணவுக்கு மணமூட்டும்.மோரும், உடலுக்கு உரமூட்டி மலக்கட்டினை நீக்கும் கீரையொடும், பித்தந்தணித்துக் குளிர்ச்சி தரும் எலுமிச்சை ஊறுகாயொடும் உண்டுவந்தால் நோயண்டாது. மரங்களை வழிபடுவதோடு நில்லாமல் மருந்தாகவும் பயன்படுத்தி நாம் நலம் பெறலாம்.

வில்வம்

நீரோடு கூவிளமும் நிலாமதியும் வெள்ளெருக்கும் நிறைந்த கொன்றைத்தாரோடு தண்கரந்தை சடைக்கணிந்த தத்துவனார் தங்குங் கோயில்காரோடி விசும்பளந்து கடிநாறும் பொழிலணைந்த கமழ்தார் வீதித்தேரோடும் அரங்கேறிச் சேயிழையார் நடம்பயிலுந் திருவை யாறே-- திருஞானசம்பந்தர் தேவாரம்.திருவையாறு, திருஎறும்பியூர், திருராமேஸ்வரம் முதலிய முப்பதுக்கும் மேற்பட்ட திருக்கோயில்களில் வில்வம் தலமரமாக அமைந்துள்ளது. சிவபிரானுக்குப் பூஜை செய்யும் மூலிகையான இது ஒரு கற்ப மூலிகையாகும். அதாவது, இன்ன பிணிக்கு மட்டுமே மருந்தென்று அமையாது எல்லா நோய்களையும் நீக்கும் தன்மையுடையது.திருவெண்காட்டிலுள்ள வில்வம் போல் முள் இல்லாத மரங்களும் உண்டு. இம்மரம் ஆற்றோரங்களில் தாமே வளர்கின்றன. வில்வத்தின் இலை, பூ, பிஞ்சு, பழம் வேர்ப்பட்டை, பிசின் மருத்துவப் பயன் உடையவை. சர்க்கரை நோயிக்கு வில்வம் சிறந்த மருந்து.

வன்னி
திருமுதுகுன்றம் (விருத்தாசலம்), திருவான்மியூர், மேலைத் திருக்காட்டுப்பள்ளி, திருப்பூந்துருத்தி முதலிய 15 க்கும் மேற்பட்ட திருக்கோயில்களில் தலமரமாக வன்னி விளங்குகிறது. வில்வத்திற்கு அடுத்தப்படியாக மிகுதியான கோயில்களில் தலமரமாக உள்ளது இதுவே.இது ஒரு முள்ளுள்ள இலையுதிர் மரம். மிகச் சிறிய கூட்டிலைகளைக் கொண்டது. சதைப்பற்றுடைய உருளைவடிவக் காய்களை உடையது. வடதமிழ்நாட்டில் கரிசல் நிலங்களில் தானே வளர்கிறது. தோட்டங்களில் ஆங்காங்கே முளைக்கும் மரங்களைப் பொதுவாக வெட்டுவதில்லை. அந்த அளவுக்குப் புனிதமாகக் கருதப்படும் மரம். மரம் முழுமையும் மருத்துவப் பயனுடையது. காய்ச்சல் நீக்கி சளி அகற்றும் பண்புகள் உடையது. வாதம், பித்தம், ஆகியவற்றை சமன்படுத்தும். திருத்துறையூர், திருப்பந்தணைநல்லுார், திருஅச்சிறுபாக்கம், திருக்கோவிலுார் கோயில்களில் தலமரமாகக் கொன்றை விளங்குகிறது.இது நீள் சதுரமான கூட்டிலைகளையும் சரஞ்சரமாய்த் தொங்கும் பளிச்சிடும் மஞ்சள் நிறப் பூங்கொத்துக்களையும் நீண்ட உருளை வடிவக் காய்களையும் உடைய இலையுதிர் மரம். இயற்கையாய் வளர்கிறது. பட்டை, பூ, வேர், காய் ஆகியவை மருத்துவப்பயனுடையவை. இந்த மரக்கட்டை நோய்நீக்கி உடல் தேற்றும்; காய்ச்சல் தணிக்கும், மலமிளக்கும். இதன் பூ வயிற்று வாய்வு அகற்றும், நுண்புழுக்களைக் கொல்லும். காயிலுள்ள சதை (சரக்கொன்றைப் புளி) மலமிளக்கும்.


புன்னை

மின்னியல் செஞ்சடை வெண்பிறை யன்விரி நுாலினன்பன்னிய நான்மறை பாடியா டிப்பல வூர்கள்போய்அன்னம்அன் னந்நடை யாளொ டும்மரும்மிடம்புன்னைநன் மாமலர் பொன்னுதிர்க் கும்புன வாயிலே -- திருநாவுக்கரசர், தேவாரம்.திருப்புனவாயில், திருப்புகலுார், திருமயிலாப்பூர், திருவெண்ணெய்நல்லுார், திருவேட்டக்குடி முதலிய சிவத்திருக் கோயில்களிலும் திருஇடவெந்தை, திருக்கோவலுார், திருப்பாடகம், திருப்புலியூர் திருப்புள்ளம்பூதக்குடி முதலிய திருமால் கோயில்களிலும் புன்னை தலமரமாக விளங்குகிறது. திருவேட்டக்குடியில் சிவபிரானை 'நறையுலவும் பொழிற் புன்னை நன்னிழற்கீ ழமலரும் இறை' எனத் தேவாரம் குறிப்பிடுகிறது. இம்மரம் தமிழகத்தின் கடற்கரைகளிலும், ஆற்றங்கரைகளிலும் தானே வளரும் இயல்புடையது. இலை சற்று நீண்டதாகவும், பளபளப்பாகவும் இருக்கும். உருண்டையான உள்ஓடுள்ள சதைக்கனியை உடையது. இதன் இலை, பூ, விதை, பட்டை, நெய் ஆகியவை மருத்துவப் பயன் உடையவை.புன்னை இலை அல்லது பூவை நீரில் ஊறவைத்துக் கழுவி வரக் கண்வீக்கம், சொறி சிரங்கு, மேகம் ஆகியவை தீரும்.
பலா

திருக்குற்றாலம், திருநாவலுார், திருவாய்மூர், திருப்பூவனம் முதலிய பத்துக்கும் மேற்பட்ட சிவத் திருக்கோயில்களிலும் திருக்கோட்டியூர், திருக்கடித்தானம் முதலிய திருமால் கோயில்களிலும் தலமரமாக விளங்குவது பலாமரம். பளபளப்பான கரும்பச்சை இலையையும், உருளை வடிவான புறம் முள்ளுள்ள இனிய சுளைகளுடைய பெருங்கனிகளையும் கொண்டது. திருக்குற்றாலத்துத் தலமரத்துப் பலாப்பழம் உண்ணப் படுவதில்லை. பலாப்பழம் உடல்நலத்துக்கு உகந்ததன்று என்பதைக் குறிக்கவே இம்மரபு ஏற்பட்டிருக்கலாம். இலை, பிஞ்சு, காய், பால், வேர் மருத்துவப் பயனுடையவை.இவை போன்றே நுாற்றுக்கணக்கான மரங்களுக்கும் தலங்களுக்கும் நோய் தீர்க்கும் இயல்பு இருப்பதை தேவார பாடல்கள் மூலமாக தெரிந்து கொள்ளலாம்.முனைவர் தி.சுரேஷ்சிவன்இசைத்தமிழ் அறிஞர்மதுரை. 94439 3054

Thursday, December 26, 2019

கலியுகத்தில் இப்படியெல்லாம் நடக்குமாம்! thanks to aanmigam.com


கலியுகத்தில் இப்படியெல்லாம் நடக்குமாம்!






கிருதயுகம் 17 லட்சத்து 28 ஆயிரம் ஆண்டுகள்
திரேதாயுகம் 12 லட்சத்து 96 ஆயிரம் ஆண்டுகள். (ஸ்ரீ ராமர் வாழ்ந்த யுகம் எனப்படுகிறது)
துவாபரயுகம் 8 லட்சத்து 64 ஆயிரம் ஆண்டுகள். (ஸ்ரீ க்ருஷ்ணர் வாழ்ந்த யுகம் எனப்படுகிறது)
கலியுகம் 4 லட்சத்து 32 ஆயிரம் ஆண்டுகள்.
(கலியுகத்தில் அசுரர்களும் தேவர்களும் ஒரே மனிதனுக்குள் வாழ தொடங்குவங்குவார்களாம். (50க்கு50) , சில நேரம் தேவர் பல நேரங்களில் அசுரர். கடவுள் பாதி மனிதன் பாதி. அதனால் தான் இந்த காலத்தில் யாரையும் நிரந்தரமான நல்லவர்கள் என்று முழுமையாக நம்ப முடிவதில்லை.)
யுகங்களில் கலியுகம் குறைந்த வருடங்களைக் கொண்டது. இப்போது நாம் கலியுகத்தில் இருக்கிறோம். கலியுகம் பிறந்தது பிப்ரவரி 18, 3102 என்று காலக்கணக்கீட்டு நிபுணர்கள் கண்டறிந்து இருக்கிறார்களாம், ஆக இந்த 2010 ஆம் வருடம் கலியுகத்தின் 5112 ஆம் வருடம் ஆகின்றது என்கிறார்கள்.
அதாவது கலியுகம் முடிய இன்னும் சுமார் 4,26,888 வருடம் இருக்கின்றது என்கிறார்கள். கலியுகம் முடிந்ததும் மீண்டும் கிருதயுகம் ஆரம்பிக்கும், அடுத்து திரேதாயுகம், துவாபரயுகம், மீண்டும் கலியுகம் இவ்வாறு மீண்டும் மீண்டும் வந்துகொண்டேயிருக்கும்.
ஆம், காலம் சக்கரம் அல்லவா!
இவற்றில் கலியுகத்தில் தர்மங்கள் சார்ந்த வாழ்க்கை சீர்குலையுமென்றும் கலியுகத்தின் முடிவில் அதர்மவாதிகளே உச்சமாக ஆட்சி செய்யும் தருணத்தில் கல்கி அவதாரம் நிகழும் என்றும் கூறப்படுகிறது. கலியுகத்தில் அப்படி என்னென்ன நடக்குமாம். பார்ப்போம்..
கலியுகத்தில் தர்மம், ஸத்யம், பொறுமை, தயை, ஆயுள் தேஹ பலம், ஞாபகம் ஆகிய இவைகள் நாளுக்கு நாள் குறையும்.
கலியில் பணமுள்ளவனே மேலான குலத்தில் பிறந்தவன் ஆவான்.
பணமுள்ளவன் எவனோ அவனே ஆசாரம் உள்ளவனாக கருதப்படுவான்.
பலமுள்ளவன் எவனோ அவன் மட்டுமே தர்மம், ஞாயம் போன்றவற்றை தீர்மானிப்பான்.
மணம் செய்து கொள்பவர்கள் அவரவர் சொந்த விருப்பத்தின் படியே இயங்குவார்கள். குலம் மறைந்து போகும்.
மனிதர்கள் அவர்களின் குணங்களைக் கொண்டு சிறந்தவர்களாக போற்றப்பட மாட்டார்கள்.
பிராமணர்களுக்கு பூனூல் அடையாளமாக மட்டுமே இருக்கும்.
அதிகமாகப் பேசுபவனே பண்டிதன் என்ற புகழை அடைவான்.
(மேடைக்கு மேடை பேசியே மயக்கும் அரசியல் வாதிகளைப் பார்த்தாலே தெரிகிறதே!)
ஏழையாக இருப்பவர்களே பழிபாவங்களுக்கு ஆளாவார்கள். பணமுள்ளவனே நல்லவன் என்று பெயரெடுப்பான்.
மனிதர்கள் அதிகம் சாப்பிடுபவர்களாகவும், காமவெறி கொண்டவர்களாகவும், தரித்திரர்களாகவும் இருப்பார்கள்.
ஆணும் பெண்ணும் சம்மதித்து புணர்ந்தாலே விவாஹம் செய்து கொண்டதாகக் கருதப்பட்டு விடும். விவாஹம் தேவையற்றதாகும். (விவாகரத்தை வரவேற்கும் பெரிய கூட்டமும் திருமணம் தாலி போன்றவற்றை அவமதித்து வெளியேறத்துடிக்கும் கூட்டமுமே இதற்கு அறிகுறியாகிறார்கள் என்று தோன்றுகிறது)
ஸ்த்ரீகள் பதிவிரதைகளாக இருக்க மாட்டார்கள். வேசிகளைப் போலவே நடந்துகொள்பவராக இருப்பார்கள். ஸ்த்ரீகள் வெட்கம் இல்லாதவர்களாகவும், கடுஞ்சொல் பேசுபவர்களாகவும், திருட்டுத்தனம், மாயை, பிடிவாதம் அதிகம் கொண்டவர்களாக இருப்பர்.
மனிதர்கள் பூமியை தங்களுடையது என்று சொல்லிக்கொள்வார்கள். பூமையை சொந்தம் கொண்டாட தந்தையுடன் சண்டையிடுவார்கள். சகோதரர்கள் அடித்துக் கொள்வார்கள்.
அருகிலிருக்கும் கோவிலை விட தூரதேசத்தில் இருக்கும் க்ஷேத்திரமே புண்ணிய க்ஷேத்திரமாக கருதப்படும்.
புகழுக்காக மட்டுமே தானங்கள் செய்யப்படும்.
மயிர் வளர்ப்பு அழகுக்கான முக்கியப் பொருளாகிவிடும்.
தைரியமாகப் பேசுபவனே சபைக்குரியவனாகக் கருதப்படுவான்.
(இப்போதெல்லாம், உதார் விடுறவன் தானே பெரிய ஆள்! ரௌடிகள் வளர்வதும் இப்படித்தானோ!)
திருடர்கள், கருணையற்றவர்கள் மற்றுக் அயோக்கியர்கள் போன்றவர்களே அரசனாக இருப்பார்கள்!
அரசாள்பவர்கள் இறை நம்பிக்கை மற்றும் வழிபாடுகளை பாதுகாக்க மாட்டார்கள். வேதமார்கம் கெடுக்கப்படும்.
ப்ரஜைகளுடைய பணங்களை அரசர்களே திருடிக்கொள்வார்கள்! அவர்களால் உபத்திரவிக்கப்பட்டு மக்கள் மலைகளிலும் காடுகளிலும் ஒளிந்து வாழ நேரிடும்.
பருவகாலங்கள் மாறிப்போகும். மக்கள் குளிர், காற்று, வெயில், மழை, பசி, தாகம், வியாதி, கவலை இவர்களால் கஷ்டப்படுவார்கள்.
கலியுகத்தில் இருபது, முப்பது வயதே பரம ஆயுளாகும்.
பசுக்கள் பாலிலும் உருவத்திலும் ஆடுகள் போல் ஆகிவிடும். கறக்காத பசுவை பாதுகாக்கவோ வளர்க்கவோ விரும்பமாட்டார்கள்.
(அடிமாடு கொண்டு செல்லும் லாரியைப் பார்த்தாலே தெரிகிறதே)
ஜாதிகளெல்லாம் பெரும்பாலும் சூத்திர ஜாதிகளாகிவிடும்.
சந்நியாசிகள் எல்லாம் குடும்பஸ்தர்கள் போலவே நடந்துகொள்வார்கள். பணத்திலேயே மிக்க ஆசை கொண்டவர்களாக இருப்பார்கள்.
ஆண்களுக்கு பெண்டாட்டி வீட்டு பந்தங்களே முக்கியமானவர்களாகிப் போவார்கள். மச்சினி, மைத்துனர்களிடம் பிரிமயாகப் பழகுவார்கள். சொந்த தந்தை, சகோதர சகோதரிகளிடம் பிரியம் வைக்க மாட்டார்கள்.
மரங்கள் எல்லாம் வன்னி மரங்களாகவே இருக்கும்.
மேகங்களில் மின்னல்கள் அதிகமாக இருக்கும். வீடுகள் மகிழ்ச்சியற்று சூனியமாகவே காட்சியளிக்கும்.

Wednesday, December 25, 2019

சுடு தண்ணீர் தலை முடிக்கு நல்லதல்ல! - ஆயுர்வேத மருத்துவர், ரா.பாலமுருகன் - நன்றி: தினமலர்

சுடு தண்ணீர் முடிக்கு நல்லதல்ல!
தினமலர்-ல் பதிவு செய்த நாள் : டிச 13, 2018  00:00

தலை குளியல் முறை குறித்து கூறும், ஆயுர்வேத மருத்துவர், ரா.பாலமுருகன்:

தலைக்கு, எண்ணெய் மற்றும் சீயக்காய் பொடி தேய்த்த பின், சாதாரண தண்ணீரால் தலையை அலசலாம். அதைவிட, மூலிகைகள் கலந்து கொதிக்க வைத்த தண்ணீரில் அலசினால் நல்லது. தலைக்கு சுடு தண்ணீர் பயன்படுத்தினால், முடிக்கும், கபாலத்திற்கும் கேடு விளைவிக்கும். அதனால், குளிர்ந்த அல்லது வெதுவெதுப்பான தண்ணீரிலேயே, தலை குளிக்க வேண்டும்.

நெல்லிக்காய், தான்றிக்காய், கடுக்காய், அதிமதுரம், நெருஞ்சில், சிறிதளவு தேயிலைப் பொடி ஆகியவற்றை கஷாயம் போல் கொதிக்க வைத்து, தலை அலசினால், முடி மிருதுவாவதுடன், உதிர்வது நிற்கும்; பொடுகுத் தொல்லையும் நீங்கும். மருதப்பட்டை, வாகை மரப்பட்டையை கஷாயம் போல் காய்ச்சி, முடியை அலசினால், தலை அரிப்பு குணமாகும்.

நெல்லிக்காய், தான்றிக்காய், கடுக்காய், வசம்பை தண்ணீரில் கலந்து, கொதிக்க வைத்து அலசினால், புழுவெட்டு குணமாகும்.மருதோன்றி இலையை கஷாயம் வைத்து அலசினால், முடி கறுமை நிறமடையும்; இளநரை நீங்கும்.

படிகாரத்தை தண்ணீரில் கரைத்து அல்லது கருந்துளசி கஷாயத்தால் அலசினால், பேன் தொந்தரவு நீங்கும். கரிசலாங்கண்ணி, நெல்லிக்காய், ரோஜா இலை சேர்த்து காய்ச்சிய கஷாயத்தால் தலையை அலசினால், முடி நன்றாக வளரும். தேக்கு மர இலையில் கஷாயம் வைத்து அலசினால், முடி உதிருவது நிற்கும்; நன்கு செழித்து வளரும்.

'ஸ்நானம்' என்பது, உச்சி முதல் உள்ளங்கால் வரை, உடலைக் குளிர்வித்தல். இதுவே, 'குளித்தல்' என்று மாறிவிட்டது. தவிர, தினமும் தாராளமாக, தலைக்குக் குளிக்கலாம். ஆனால், அதற்கென சில வழிமுறைகள் உள்ளன. பெண்களுக்கு அதிக முடி இருப்பதால், சளி தொந்தரவு ஏற்படும் என்பதாலேயே, தினமும் தலைக்குக் குளிக்கக் கூடாது என்கின்றனர். ஆயுர்வேதத்தின்படி, தினமும் குளிப்பது தான் சிறந்தது. தலைக்கு குளிக்கும்போது, உடலுக்கு வெதுவெதுப்பான நீரும், தலைக்கு குளிர்ச்சியான நீரும் ஊற்றிக் குளிக்கக்கூடாது.

தற்போதைய இளைய தலைமுறையினர், சரியாக தலையைத் துவட்டுவதில்லை. இப்படிபட்டவர்கள், 'ஹெல்மெட்'டால் வியர்வை ஏற்படும் நிலையில் உள்ளவர்கள், தலை அதிகமாக வியர்ப்பவர்கள், தலையில் நீர்கோர்த்து இருப்பவர்கள், சாம்பிராணி புகை போடலாம். இது, தலையில் நீர் கோர்த்துக் கொள்வதைத் தடுக்கும்.தவிர, நம் முன்னோர், கோவில் குளம், நீர்நிலைகளில் குளித்த பின், நெற்றி நிறைய திருநீற்றால் பட்டை அடிப்பர். அந்த திருநீறானது, தலையில் உள்ள நீரை முற்றிலுமாக இறக்கிவிடும். இப்போதைய தலைமுறையினர், இந்த வழிமுறையைப் பின்பற்றுவதை தவிர்க்கின்றனர். அதனால், இதற்கு மாற்றாக, தலையை துவட்டிய பின், 'ராஸ்னாதிக்' என்ற பொடியை, உச்சியில் சிறிதளவு வைத்துக் கொண்டால், தலையில் நீர் கோர்த்துக் கொள்ளாது!

மனம் எண்ணிடுமோ தெரியாது தெரியாது தெரியாது ....

ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா நொந்துடலும் கிழமாகி தளர்ந்து பின் நோயில் நடுங்கிடும் போது ஜீவ நாடிகள் நைந்திடும்போது மனம் எண்ணிடுமோ தெரியாது தெரியாது தெரியாது இன்று சிந்தை கசிந்துனைக் கூவுகிறேன் அருள் செய்திடுவாய் ஹரி நாராயணா ஓம் ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா நீடு கபம் கோழை ஈழை நெருக்கி என் நெஞ்சை அடைத்திடும் போது விக்கி நாவும் குழறிடும் போது மனம் எண்ணிடுமோ தெரியாது தெரியாது தெரியாது அன்றுனைக் கூவிட இன்றழைத்தேன் எனை ஆண்டருள்வாய் ஹரி நாராயணா ஓம் ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா

ஐம்பொறியும் கரணங்களும் வாயுவும் ஆடியடங்கிடும் போது எந்தன் ஆவி பிரிந்திடும் போது மனம் எண்ணிடுமோ தெரியாது தெரியாது தெரியாது நம்பியுனைத் தொழுதேன் அழைத்தேன் ஜகன் நாயகனே ஹரி நாராயணா ஓம் ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா உற்றவர் பெற்றவர் மற்றவர் சுற்றமும் ஓவென்று நின்றழும் போது உயிரோசைகள் ஓய்ந்திடும் போது மனம் எண்ணிடுமோ தெரியாது தெரியாது தெரியாது பற்றி உனைப் பணிந்தேன் அழைத்தேன் ஆபத்பாந்தவனே ஹரி நாராயணா ஓம் ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா என் பொருள் என் மனை என்பதெல்லாம் இனி இல்லை என்றாகிடும் போது மனம் எண்ணிடுமோ தெரியாது தெரியாது தெரியாது அன்றுனைக் கூவிட இன்றழைத்தேன் அருள் அச்சுதனே ஹரி நாராயணா ஓம் ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா வந்தெமதூதர் வளைத்துப் பிடித்து வாவென்று இழுத்திடும் போது மனம் எண்ணிடுமோ தெரியாது தெரியாது தெரியாது அந்தத அந்தியம் நீ வர இன்றழைத்தேன் ஸச்சிதானந்தனே ஹரி நாராயணா ஓம் ஹரி நாராயண ஹரி நாராயண ஹரி நாராயண நாராயணா
ஹரி நாராயண ஹரி நாராயண ஹரி நாராயண நாராயணா

Friday, December 20, 2019

பெற்றோர் கவனிக்க வேண்டியது thanks to dinamalar.com

பெற்றோபெற்றோர் கவனிக்க வேண்டியது!

பெற்றோர்  கவனிக்க வேண்டியது!
வீட்டின் சின்னச்சின்ன வேலைகளில், குழந்தைகளை ஈடுபடுத்துவதால், அவர்களின் ஆற்றல் மேம்படுவது பற்றி, நாகர்கோவில், குழந்தைகள் டாக்டர் ஷபி: குழந்தை கள், 2 வயதாக இருக்கும் போது, தட்டில் இருக்கும் சாப்பாட்டை எடுத்து தாங்களே சாப்பிட துவங்குவர். பெற்றோர் போல, ஆபிஸ் கிளம்புவது, சமைப்பது என, நடிக்கத் துவங்குவர். குழந்தைக்கு, 3 வயதானதும், கழிவறைக்கு தானே சென்று வர பழக்க வேண்டும். 4 வயதானதும், கழிவறையை சுத்தப்படுத்த, அந்தக் குழந்தையை பழக்க வேண்டும். இப்படியே, 5 வயது குழந்தை, பள்ளிக்கூட பை மற்றும் சாப்பாட்டு கூடையை மறக்காமல் எடுத்து வர வைக்க வேண்டும்.நன்கு நடமாட, பேச, வார்த்தைகளுக்கான அர்த்தங்கள் தெரிய துவங்கிய குழந்தைகளுக்கு, வீட்டின் சின்னச்சின்ன வேலைகளை செய்ய கொடுக்கலாம். உதாரணமாக, பாட்டிலில் தண்ணீர் நிரப்புவது; சாப்பிட உணவு தட்டை எடுத்து வருவது; ஷூ பாலிஷ் போடுவது; விடுமுறை நாட்களில், வீட்டின் சுற்றுப்புறங்களை சுத்தம் செய்வது என்பன போன்ற வேலைகளை செய்ய சொல்லலாம்.எனினும், சமையல் அறையில் நேரடியாக ஈடுபடுத்துவது, துணிகளை இஸ்திரி போடுவது போன்ற கடினமான பணிகளில் குழந்தைகளை ஈடுபடுத்தவே கூடாது. மாறாக, மீன் வளர்த்தல், பறவை, நாய்க்குட்டி, பூஞ்செடிகள் பராமரிப்பு போன்றவற்றை மேற்கொள்ளச் செய்யுங்கள். இவ்வாறு அவர்கள் வேலை செய்யும் போது, அவற்றில் குறைகளை காண்பிக்காமல், இன்னும் சிறப்பாக செய்வது எப்படி என்பதை, பக்குவமாக சொல்லிக் கொடுங்கள். முடிந்த வரை, மொபைல் போன்கள், கணினி விளையாட்டுகள், தொலைக்காட்சி போன்றவற்றில், அவர்களின் ஆர்வம் செல்லாத வகையில், பெற்றோர் கவனித்துக் கொள்ள வேண்டும்.இதனால், எந்தச் சூழ்நிலை என்றாலும், தன்னைத் தானே பராமரித்துக் கொள்ளும் மனப் பக்குவம், திறமை குழந்தைகளுக்கு வந்து விடும். இதற்கு, பெற் றோரின் ஒத்துழைப்பும், அரவணைப்பும் குழந்தைகளுக்கு அவசியம்.அமெரிக்காவின் ஹார்வர்டு பல்கலைக்கழகம் நடத்திய ஒரு ஆய்வில், 'அன்றாட வீட்டு வேலைகளில் இருந்து குழந்தைகளை விலக்கி வைப்பது தவறு. அவ்வாறு செய்தால், குழந்தைகளின் திறன் குறைய வாய்ப்பு உள்ளது. மன தைரியம், வெற்றி, தோல்விகளை பகுத்தறியும் பக்குவம், உடனிருப்போருடன் உறவாடும் உளவியல் தன்மை போன்றவற்றில் பாதிப்பு ஏற்படும்' என்கிறது.வீடு என்றால், வேலைகளை எல்லாரும் பகிர்ந்து கொள்ள வேண்டும் என்பதை, குழந்தைகளுக்கும் உணர்த்துங்கள்!
Yours sincerely,
Parvathi Visweswaran
(780) 705-7101


If you believe this email violates Canada's Anti-Spam Legislation (CASL), please contact us.
Edmonton Public Schools, Centre for Education, 1 Kingsway NW, Edmonton AB T5H 4G9

ர் கவனிக்க வேண்டியது!

Monday, December 16, 2019

சித்த மருத்துவத்தால் சுவாச நோயை விரட்டலாம் thanks to dinamalar.com

திண்டுக்கல்: 'மூச்சு பயிற்சி, சுடுநீர் குளியல் மூலம் சுவாச நோயை விரட்டலாம்' என, திண்டுக்கல் சித்த மருத்துவர் பேச்சி ஆலோசனை வழங்கினார்.
பனிக்காலத்தில் ஏற்படுகிற நோய்களில் சுவாச பிரச்னையும் உண்டு. வயது வித்யாசமின்றி எல்லோரையும் பாதிக்கிற நோய் இது. பரம்பரையாக, ஒவ்வாமை, பருவநிலை மாற்றம், கிருமி தொற்று, புகைப்பழக்கம், மனக்கவலை, நோய் எதிர்ப்பு சக்தி குறைவு போன்ற காரணங்களால் சுவாச நோய்கள் ஏற்படுகிறது.
இந்நோயை குணப்படுத்த எண்ணெய் குளியல், நசியம், மூச்சுப் பயிற்சி, யோகா, வர்மம், நீராவி குளியல், வேது பிடித்தல், பற்றிடுதல் போன்ற சிகிச்சைகள் சித்த மருத்துவத்தில் உள்ளன.
மேலும் ஆடாதொடை, நஞ்சறுப்பான், கண்டங்கத்திரி, துளசி, திப்பிலி, அதிமதுரம், பவளம், கபசுர குடிநீர், கற்பூராதி தைலம் போன்றவை சுவாச பிரச்னையை குணப்படுத்த உதவும். சுடுநீர் குளியல், இருப்பிடத்தை துாய்மையாக வைத்து கொள்ளுதல், படுக்கை விரிப்புகள் மற்றும் தலையணை உறைகளை அடிக்கடி மாற்ற வேண்டும். இரவில் எளிதில் செரிக்கும் உணவுகளை சாப்பிடுதல், உடல் எடையை குறைப்பது, தினமும் பிராணயாமம், மார்பு விரிவாக்க மற்றும் மூச்சு பயிற்சி செய்யலாம். குளிர் காற்று நேரடியாக அறைக்குள் வருவதை தடுக்க வேண்டும். இவற்றின் மூலம் சுவாச பிரச்னை ஏற்படுவதை தடுக்கலாம் என, அவர் கூறினார்.