பிசினஸ் சீக்ரெட்ஸ் - 2
Share
தொழில்முனைவோர்களுக்குத் துணை நிற்கும் பிராக்டிகல் தொடர்
‘கவின்கேர்’ சி.கே.ரங்கநாதன்
ரிஸ்க் எடுத்தால்தான் வெற்றி!
பிசினஸ் உலகில் காலடி எடுத்துவைக்க நினைக்கும் ஒருவரது மனத்திடம் எப்படி இருக்க வேண்டும்? எப்படிப்பட்ட மனப்பக்குவம் கொண்டவர்களுக்கு பிசினஸ் என்பது பொருந்திவரும்? எந்த மாதிரியான மனநிலை கொண்டவர்களுக்கு பிசினஸ் என்பது பொருந்தாது என்பதை முதலில் ஒருவர் தெரிந்துகொள்ள வேண்டும். அப்போதுதான் பிசினஸ் செய்வதற்கு நாம் ஏற்றவர்தானா, நம்மால் பிசினஸை நன்றாகச் செய்ய முடியுமா என்பதை முடிவு செய்ய முடியும். எப்படி இதைக் கண்டுபிடிப்பது?
நித்தியானந்தன், பரமானந்தன் என இரண்டு நண்பர்கள். இருவருமே கல்லூரியில் ஒன்றாகப் படித்தவர்கள்.
நித்தியானந்தனுக்குக் குடும்பப் பாசம் அதிகம். பெற்றோர்களையோ, உடன் பிறந்தவர்களையோ அவனால் நீண்ட நாட்கள் பார்க்காமல் இருக்க முடியாது. வீட்டில் ஏதாவது விசேஷம் என்றால் அதில் தவறாமல் கலந்துகொள்ள வேண்டும் என்று நினைப்பான்.
எல்லோருடனும் கலகலப்பாகப் பழகுவான் என்றாலும், யாராவது அவன் மனதை நோகடிக்கிற மாதிரி ஏதாவது சொல்லிவிட்டால் அவனால் தாங்கிக்கொள்ள முடியாது. தன் கெளரவத்தை விட்டு யார் முன்பும் போய் நிற்பது அவனுக்குப் பிடிக்காது. வாழ்க்கையில் தனது நிலை தாழ்ந்துபோவதை அவனால் கனவிலும் நினைக்க முடியாது.
பரமானந்தனுக்கும் குடும்பப் பாசம் அதிகம்தான். அதற்காக எப்போதும் அவர்களுடனேயே இருக்க வேண்டும் என்று நினைக்கமாட்டான். வீட்டில் நடக்கும் விசேஷங்களில் அவன் கலந்துகொள்ள விரும்பினால், அது தவிர்க்க முடியாத விசேஷமா என்று பார்ப்பான்.
யாராவது அவன் மனதை நோகடிக்கிற மாதிரி பேசிவிட்டால், தன் காரியம் முடிகிற வரை அதைப் பொருட்படுத்த மாட்டான். தன் கெளரவம் என்பதைவிட, தான் செய்ய நினைக்கும் வேலை முடிவதே முக்கியம் என்று நினைப்பான். வாழ்க்கை என்பதே ஏற்றத்தாழ்வு களைக் கொண்டதுதான் என்று அடிக்கடி சொல்வான்.
இப்போது நீங்களே சொல்லுங்கள், இந்த இருவரில் பிசினஸ் என்பது யாருக்கு அதிகம் பொருந்தும் என்று. நிச்சயமாக, பரமானந்தனுக்குத் தான்.
மனிதர்களுடைய மனநிலையை இருவகையாகப் பிரிக்கலாம். ஒருவகையினர், ரிஸ்க் எடுப்பதற்கு மிகவும் தயங்குபவர்கள். இன்னொரு வகையினர், ரிஸ்க் எடுக்கத் துணிந்தவர்கள். யாரோ ஒருவரிடம் தனது நேரத்தை, திறமையை, உழைப்பை விற்பதன் மூலம் வருமானத்தைப் பெற நினைப்பவர்கள் முதல் வகையினர். தனது நேரத்தை, திறமையை, உழைப்பை தான் நினைக்கிறபடி செலவழித்து, அதன்மூலம் கிடைக்கும் லாபத்தை அல்லது நஷ்டத்தைப் பெற நினைப்பவர்கள் இரண்டாவது வகையினர்.
வாழ்க்கையில் சிக்கல் என்பதே இருக்கக் கூடாது என்று நினைப்பவர்கள் முதல் வகை யினர். காலையில் 10 மணிக்கு ஆபீஸுக்குப் போனால், மாலை 6 மணிக்கு ஆபீஸ் வேலையை முடித்துவிட்டு, வீட்டுக்குக் கிளம்பிவிட வேண்டும் என்று நினைப்பவர்கள் இவர்கள்.
மாதம் முழுக்கக் கடினமாக உழைக்கும் இவர்களின் ஒரே எதிர்பார்ப்பு, மாத கடைசியில் கிடைக்கப் போகும் சம்பளம்தான். சம்பளம் கிடைப்பதில் எந்தச் சிக்கலும் இல்லை என்றால், இவர்கள் வாழ்க்கையிலும் எந்தச் சிக்கலும் இருக்காது. சுருக்கமாக, மணி அடித்தால் சோறு கிடைக்க வேண்டும் என்று நினைப்பவர்கள் இவர்கள். ஆனால், இரண்டாவது வகை மனிதர்கள், வாழ்க்கை என்பதே சிக்கல் நிறைந்ததுதான் என்று புரிந்துவைத்திருப்பவர்கள். எனவே, ரிஸ்க் எடுக்காமல் எந்தப் பெரிய பலனையும் அடைய முடியாது என்பதைத் தீர்க்கமாக நம்புகிறவர்கள்.
குறுகிய காலத்தில் கிடைக்கும் சொற்ப வருமானத்தைவிட நீண்ட காலத்தில் நிறையப் பணம் சம்பாதிக்க நினைப்பார் கள். தினம் தினம் சிக்கல் வந்தாலும், அதைத் தீர்ப்பதில் சளைக்கவே மாட்டார்கள். தோல்விகள் வரும்போதெல்லாம் சிறிது மனம் தளர்ந்தாலும், மீண்டும் நம்பிக்கையோடு எழுவார்கள். எதிர்காலத்தில் தனது நிலை தலைகீழாக மாறி னாலும் மீண்டும் பூஜ்ஜியத்தில் இருந்து வாழ்க்கையைத் தொடங்க அஞ்சமாட்டார்கள்.
உங்கள் மனநிலை முதல் வகை மனிதர்களைப்போல இருக்கிறதா? அப்படியானால் பிசினஸ் என்பது உங்களுக்குச் சரிப்பட்டு வராது. உங்களால் பிசினஸில் இறங்கி வெற்றி பெற முடியாது. எனவே, நீங்கள் பிசினஸில் நுழைவதற்குப் பதில், ஏதாவது ஒரு நிறுவனத்தில் வேலைக்குச் சேர்வதே சரி.
உங்கள் மனநிலை இரண்டா வது வகை மனிதர்களைப்போல இருக்கிறதா? நீங்கள் தாராளமாக பிசினஸில் நுழையலாம். ரிஸ்க் எடுக்கிற துணிவு உங்களிடம் இருப்பதால், உங்களால் பிசினஸில் நிச்சயம் வெற்றி பெற்று, மிகப் பெரிய பிசினஸ் சாம்ராஜ்ஜியத்தை உருவாக்க முடியும்.
பிசினஸில் கடுமையான பல சிக்கல்களை தினம்தினம் எதிர்கொள்ள வேண்டியிருக்கும். இந்தச் சிக்கல்களை எதிர்கொண்டு, அதிலிருந்து மீண்டுவருகிற மனத் தைரியம் ஒருவருக்குக் கட்டாயமாக இருக்க வேண்டும். தேன் எடுக்கப் போனால், தேனீ கொட்டத்தான் செய்யும். தேனீ கொட்டுமே என்று பயந்தால், தேனை எடுக்க முடியாது. தேனீயிடம் கொட்டு படாமல், தேனை எடுத்து வருவதுதான் புத்திசாலித்தனம்.
பிசினஸ் ஆரம்பித்துவிட்டால், வாழ்க்கை இன்றைக்கு இருக்கிற மாதிரியே நிம்மதியாக இருக்குமா? திடீரென நாளைக்கு பிசினஸில் நஷ்டம் வந்துவிட் டால், நானும் என் குடும்பத் தினரும் கஷ்டப்பட வேண்டி யிருக்குமே! இதுமாதிரியான கஷ்டங்களை என்னால் தாங்கிக்கொள்ள முடியாதே என்று நினைப்பவர்களுக்கு, பிசினஸ் என்பது சரியான தேர்வாக இருக்காது.
மாதச் சம்பளம் பெறும் ஒரு வேலையில் இருக்கிற நிச்சயத்தன்மை பிசினஸில் இல்லை. இதனால்தான் சிலர் இன்றைக்கும்கூட பிசினஸை சூது என்கிறார்கள். நேற்று இருந்தமாதிரி இன்று இல்லையே! நாம் ஒன்று நினைக்க, நடப்பது வேறாக இருக்கிறதே என சிலர் பக்குவமில்லாமல் சொல்வதைக் கேட்டுத்தான் பிசினஸை சூது என்று சொல்கிறார்கள்.
ஆனால், பிசினஸ் என்பது சூது அல்ல. சரியாகச் செய்வதன் மூலம் இன்றைக்கு அது அறிவியலாக மாறியிருக்கிறது. பிசினஸில் நாம் எடுக்கிற முடிவு கள், என்ன விளைவுகளை ஏற்ப டுத்தும் என்பதை முன்கூட்டியே தெரிந்துகொள்ளப் பல வழிகள் இருக்க, பிசினஸில் தோற்றுவிடுமோ என்கிற பயம் தேவையற்றது.
பிசினஸை சரியாகச் செய்வது எப்படி என்பதைச் சொல்லும் முன், அதுபற்றிய தவறான கருத்துக்களைச் சொல்கிறேன்.
பிசினஸ் சீக்ரெட்ஸ் - 3
தொழில்முனைவோர்களுக்குத் துணை நிற்கும் பிராக்டிகல் தொடர்‘கவின்கேர்’ சி.கே.ரங்கநாதன்
தவறான அபிப்ராயங்களை ஒழிப்போம்!
இன்றைக்கு மிகப் பெரிய நிறுவனங்களை நடத்திவரும் பிசினஸ்மேன்கள் ஏறக்குறைய ‘சூப்பர்மேன்’களாகத்தான் பார்க்கப்பட்டு வருகிறார்கள். டாடா, அம்பானி, பிர்லா, திலிப் சிங்வி, பிரேம்ஜி, முன்ஜால் என எத்தனையோ தொழிலதிபர்களை இதற்கு உதாரணமாகச் சொல்லலாம்.
முப்பது, நாற்பது ஆண்டுகளுக்குள் ஆயிரக்கணக்கானக் கோடிகளை இவர்களால் எப்படிச் சம்பாதிக்க முடிந்தது? அந்தத் திறமையும் புத்திசாலித்தனமும் நமக்குச் சுட்டுப்போட்டாலும் வராதே என்று நினைத்து பலரும் ஆச்சர்யப்படுகிறார்கள்.
பிசினஸில் வெற்றி பெற்ற எப்பேர்ப்பட்ட தொழிலதிபராக இருந்தாலும் சரி, அவர்களும் உங்களைப்போலச் சாதாரண மனிதர்கள் என்பதைப் புரிந்துகொள்ளுங்கள். உங்களைவிடக் கொஞ்சம் புத்திசாலித்தனமாக, வித்தியாசமாக யோசித்து, வாய்ப்புகளைக் கண்டறிந்து, சிறிது ரிஸ்க் எடுத்து, கடினமாக உழைத்ததன் விளைவுதான் இன்றைக்கு அவர்கள் பலரும் கண்டுவியக்கும் மனிதர்களாக மாறியிருக்கிறார்கள்.
இத்தகைய வியக்கத்தக்க மனிதராக நீங்கள் மாற முடியும். அதற்கு பிசினஸ் பற்றி உங்கள் மனதில் இருக்கும் தவறான அபிப்ராயங்களை முதலில் களைவது அவசியம். காரணம், பிசினஸ் பற்றிய தவறான அபிப்ராயங்கள்தான் ஒருவரை பிசினஸ் உலகில் காலடி எடுத்து வைக்கவிடாமல் தடுத்துவிடுகிறது. எனவே, நமக்குள் குவிந்துகிடக்கும் தவறான அபிப்ராயங்களை முதலில் ஒழித்துக்கட்டி விடுவோம். பிசினஸ் பற்றி நமக்குள் இருக்கும் தவறான அபிப்ராயங்கள் என்னென்ன?
பணமிருக்கிறவர்களுக்குத்தான் பிசினஸ் லாயக்கு!
நிறையப் பணமிருந்தால்தான் பிசினஸ் செய்ய முடியும் என்று பலரும் நினைக்கிறார்கள். இது உண்மையானால், இன்றைக்கு உலகம் முழுக்க இருக்கும் பணக்காரர்கள் பலரும் மேலும் மேலும் பல பிசினஸ்களைச் செய்து பணம் சேர்த்திருப் பார்கள். ஆனால், நிறையப் பணமிருந்தும் பிசினஸை சரியாகச் செய்ய முடியாமல் போன பலரை எனக்குத் தெரியும்.
கையில் காசு இல்லாமல், வித்தியாசமான ஐடியாவை வைத்துக்கொண்டு, தொழில் செய்யப் புகுந்து, இன்றைக்கு பில்லியன் கணக்கில் டாலர்களைச் சேர்த்தவர்கள் பலர். இந்திய அளவில் ஃப்ளிப்கார்ட் சச்சின் பன்சால் மற்றும் பின்னி பன்சால், உலக அளவில் அலிபாபாவின் ஜாக் மா எனப் பல உதாரணங்களைச் சொல்ல முடியும். இவர்கள் பணத்தை நம்பி தொழிலைத் தொடங்கவில்லை. தங்களது வித்தியாசமான சிந்தனையை அடிப்படையாக வைத்துதான் தொழிலைத் தொடங்கி ஜெயித்தார்கள்.
பிசினஸ் செய்வதற்குப் பணம் முக்கியம்தான். ஆனால், அதுவே எல்லாமாகிவிடாது. வித்தியா சமான ஐடியா 50%, கடுமையான உழைப்பு 25%, மீதமுள்ள 25% மட்டும்தான் பணம். பணத்தைத் திரட்டத் தெரிந்து, திறமையான ஆட்களை வைத்து சரியாக நிர்வாகம் செய்தால், பிசினஸில் வெற்றியே!
படித்தவர்களுக்குத்தான் பிசினஸ் லாயக்கு!
பிசினஸ் செய்வதற்கும் படிப்புக்கும் பெரிய சம்பந்தம் எதுவுமில்லை. நீங்கள் ஏதாவது ஒரு
கல்லூரிப் படிப்புப் படித்திருந்தால் நல்லது. பிசினஸ் பற்றிப் படித்திருந்தால் இன்னும் நல்லது. ஆனால், படிக்கவே இல்லை என்பது பிசினஸ் செய்வதற்குத் தடையாக இருக்காது. சரவணா ஸ்டோர்ஸ் அண்ணாச்சியும், சரவண பவன் அண்ணாச்சியும் என்ன படித்துவிட்டு, பிசினஸில் இத்தனை பெரிய வெற்றி கண்டார்கள்?
கல்லூரிப் படிப்புப் படித்திருந்தால் நல்லது. பிசினஸ் பற்றிப் படித்திருந்தால் இன்னும் நல்லது. ஆனால், படிக்கவே இல்லை என்பது பிசினஸ் செய்வதற்குத் தடையாக இருக்காது. சரவணா ஸ்டோர்ஸ் அண்ணாச்சியும், சரவண பவன் அண்ணாச்சியும் என்ன படித்துவிட்டு, பிசினஸில் இத்தனை பெரிய வெற்றி கண்டார்கள்?
பிசினஸ் செய்வதற்கு உங்களுக்குத் தெரிந்திருக்க வேண்டியதெல்லாம், கூட்டல், கழித்தல், பெருக்கல், வகுத்தல் ஆகிய நான்கு கணக்குகள்தான். இவற்றுடன் பணியாளர்களை நன்கு நடத்திச் செல்லும் விதம் உங்களுக்குத் தெரிந்தால் போதும், பிசினஸில் நீங்கள் கொடிகட்டிப் பறந்துவிடலாம். நீங்கள் நன்றாகப் படித்திருந்தால், பிசினஸை இன்னும் அறிவுப்பூர்வமாகச் செய்ய முடியும்.
இளைஞர்களுக்குத்தான் பிசினஸ் லாயக்கு!
இத்தனை நாளும் ஏதோவொரு நிறுவனத்தில் கஷ்டப்பட்டு உழைத்து, இப்போது ஓய்வு பெற்றுவிட்டேன். இனி, நான் எங்கே பிசினஸ் செய்வது என்று நினைக்கிறார்கள் சிலர்.
வயதுக்கும் பிசினஸ் செய்வதற்கும் எந்தத் தொடர்பும் இல்லை. இளைஞர்கள் ஓடியாடி உழைக்கும் தெம்புடன் இருப்பார்கள் என்பது உண்மை தான். ஆனால், ஏறக்குறைய 30 ஆண்டுகள் பல்வேறு நிறுவனங் களில் வேலை பார்த்த அனுபவம் இருப்பது ரிட்டையர்டு ஆனவர் களுக்கு பாசிட்டிவ்வான அம்சம் அல்லவா?
இளைஞர்கள் அனுபவ மின்மையாலும் ஜெயிக்க வேண்டும் என்கிற துடிப்பினாலும் சில தவறுகளைச் செய்துவிட வாய்ப்புண்டு. ஆனால், அனுபவ சாலிகளான பெரியவர்கள் அப்படி எந்தத் தவறும் செய்ய வாய்ப்புகள் குறைவு.
ரிட்டையர்டு ஆனவர்கள் தாங்கள் சேர்த்த பணம் முழு வதையும் பணயமாக வைத்துப் பிசினஸ் தொடங்க வேண்டும் என்பதில்லை. அதில் 10 சதவிகித பணத்தைப்போட்டு சிறிய அளவில் ஏதாவது ஒரு தொழிலை செய்வதற்கு வயது என்பது நிச்சயம் தடையல்ல.
ஆண்களுக்குத்தான் பிசினஸ் லாயக்கு!
ஆண்களுக்குத்தான் பிசினஸ் லாயக்கு!
பெண்களுக்கு பிசினஸ் சரிப்பட்டு வராது எனப் பல பெண்கள் நினைக்கிறார்கள். இதற்குக் காரணம், அவர்கள் அல்ல; காலம் காலமாகக் குடும்பப் பொறுப்பை அவர்கள் தலையில் சுமத்தி, வீட்டிலேயே அவர்களை அடைத்துவைத்து விட்ட ஆண்கள்தான். பல தலைமுறைகளாக அவர்கள் வீட்டுக்குள்ளேயே அடைந்து கிடந்ததால், தங்களால் பிசினஸில் ஜெயிக்க முடியுமா என்கிற சந்தேகம் அவர்களுக்குள் லேசில் உடைக்க முடியாத பனி போலக் குவிந்துவிட்டது.
ஆனால், பிசினஸை ஆண்கள் அளவுக்குப் பெண்களாலும் வெற்றிகரமாகச் செய்ய முடியும் என்பதற்கு ஒரு சிறந்த உதாரணம், பயோகான் நிறுவனத்தின் சேர்மன் மற்றும் எம்டியான கிரண் மஜும்தார் ஷா. எல்லா துறைகளையும் போலவே, தற்போது பிசினஸிலும் பெண்கள் அதிக அளவில் நுழையத் தொடங்கியிருப்பது ஆரோக்கி யமான மாற்றமே!
தோற்றுவிடுவோமோ என்கிற பயம்!
இந்தப் பயம்தான் பலரையும் பிசினஸை நினைத்துக்கூடப் பார்க்க முடியாதபடி செய்துவிடு கிறது. ஒரு விஷயத்தைச் செய்வ தற்கு முன்பே அதில் நாம் தோற்றுப்போய்விடுவோமோ என்று நினைப்பது அறியாமை. எந்த பிசினஸும் கட்டாயம் ஜெயிக்கும் என்பதை உறுதியாகச் சொல்ல முடியாத மாதிரி, கட்டாயமாகத் தோற்கும் என்றும் உறுதியாகச் சொல்ல முடியாது.
எந்த பிசினஸாக இருந்தாலும் வெறும் அதிர்ஷ்டத்தை மட்டுமே நம்பி செய்யாமல், அதை முறைப்படி தெரிந்துகொண்டு, அனைத்து விஷயங்களையும் ஆராய்ந்தறிந்து செய்வோம் எனில், அதில் தோல்வி என்கிற பேச்சுக்கே இடமில்லை. மிகப் பெரிய பொருளாதாரப் பலம் கொண்ட நிறுவனங்கள்கூட, புதிதாக ஆரம்பித்த சில தொழில்களில் தோற்கக் காரணம், அதைச் சரியாக ஆராய்ந்தறியா மல் செய்வதுதான்.
எனவே, வெற்றி, தோல்வி குறித்த சிந்தனை இல்லாமல், பிசினஸை சரியாகத்தான் செய்கிறோமா என்கிற சிந்தனை யுடன் ஒவ்வொரு அடியையும் எடுத்து வைத்தால், நிச்சயம் வெற்றிதான்!
நஷ்டம் வந்துவிடுமோ என்கிற அச்சம்!
பிசினஸ் ஆரம்பித்தபின், அதில் தோல்வி ஏற்பட்டு, கஷ்டப் பட்டுச் சேர்த்த பணம் அத்தனை யையும் இழந்து விடுவோமோ என்கிற பயம் எல்லோருக்குமே உண்டு. அப்படியொரு நிலைமை வந்தால், மீண்டும் கஷ்டப்பட்டு உழைத்து முன்னேறுவேன் என்கிற மனத்திடம் உங்களிடம் இருக்க வேண்டும். எங்கள் வீட்டில் நாங்கள் கூட்டாகத் தொழில் தொடங்கினோம். பிசினஸ் நன்றாக நடந்ததால், சகோதரர்கள் ஒவ்வொருவருக் கும் ஒரு கார் வாங்கினோம். ஆனால், எனக்குத் தனியாக பிசினஸ் தொடங்க வேண்டும் என்று ஆசை. அதனால், எங்கள் வீட்டுக்கு அருகிலேயே தனியாக ஒரு வீடு எடுத்து, அங்கு பிசினஸ் செய்யத் தொடங்கினேன். அப்போது காரை விட்டுவிட்டு, சைக்கிளிலில்தான் சென்றேன். உனக்கு இதெல்லாம் தேவையா என்று என்னிடம் கேட்டார்கள். நான் அதைப் பொருட்படுத்தவே இல்லை. காரணம், பிசினஸில் ஜெயிக்க வேண்டும் என்கிற வெறிதான் என்னிடம் இருந்தது. நஷ்டம் வந்துவிடுமோ என்று நினைத்துப் பயப்படவே இல்லை. இப்படி நீங்களும் நினைத்தால் பிசினஸில் ஜெயிப்பது உறுதி.
பிசினஸ் பற்றி உங்கள் மனதில் உள்ள தவறான அபிப்ராயங்களை இப்போது ஒழித்துக்கட்டி யிருப்பீர்கள். இனி, பிசினஸ் செய்வதற்கான தொழிலை எப்படித் தேர்வு செய்வது என்பது பற்றிச் சொல்கிறேன்.
பிசினஸ் சீக்ரெட்ஸ் - 4
தொழில்முனைவோர்களுக்குத் துணை நிற்கும் பிராக்டிகல் தொடர்‘கவின்கேர்’ சி.கே.ரங்கநாதன்
உங்களுக்கான தொழிலைக் கண்டுபிடியுங்கள்!
கடந்த மூன்று வாரங்களாக நான் எழுதிவரும் இந்தக் கட்டுரைத் தொடரை தொடர்ந்து படித்துவரும் நீங்கள், பிசினஸ் தொடங்க முடிவு செய்திருப்பீர்கள்.
பிசினஸில் இறங்குவதற்குமுன், எந்தத் தொழிலைச் செய்வது? நம்மைச் சுற்றி பல ஆயிரக்கணக் கானத் தொழில்கள் இருக்கின்றனவே, இதில் நமக்கான தொழிலை எப்படித் தேர்வு செய்வது என்கிற கேள்வி உங்களுக்குள் எழும்.
பிசினஸில் இறங்குவதற்குமுன், எந்தத் தொழிலைச் செய்வது? நம்மைச் சுற்றி பல ஆயிரக்கணக் கானத் தொழில்கள் இருக்கின்றனவே, இதில் நமக்கான தொழிலை எப்படித் தேர்வு செய்வது என்கிற கேள்வி உங்களுக்குள் எழும்.
முதலில் இந்தக் கேள்விக்கு நீங்கள் பதில் கண்டாக வேண்டும். காரணம், முதன்முதலாக நீங்கள் செய்யப்போகும் தொழில் சரியாக அமைந்தால்தான், பிசினஸில் உங்களால் வெற்றிக் கொடியை நாட்ட முடியும்.
‘சார், எனக்கு பிசினஸ் செய்ய ஆசை. ஆனால், எந்த பிசினஸ் செய்வது என்று தெரியவில்லை! எனக்கு ஒரு நல்ல பிசினஸை சொல்லுங்களேன்!’ என்று சிலர் என்னிடம் கேட்பார்கள். நீங்கள் என்ன பிசினஸ் செய்ய வேண்டும் என்று நான் சொல்வதைவிட, உங்களுக்கான தொழிலை தேர்வு செய்யும்போது என்னென்ன விஷயங்களைக் கவனிக்க வேண்டும் என்பதைச் சொன்னால் சரியாக இருக்கும்.
‘சார், எனக்கு பிசினஸ் செய்ய ஆசை. ஆனால், எந்த பிசினஸ் செய்வது என்று தெரியவில்லை! எனக்கு ஒரு நல்ல பிசினஸை சொல்லுங்களேன்!’ என்று சிலர் என்னிடம் கேட்பார்கள். நீங்கள் என்ன பிசினஸ் செய்ய வேண்டும் என்று நான் சொல்வதைவிட, உங்களுக்கான தொழிலை தேர்வு செய்யும்போது என்னென்ன விஷயங்களைக் கவனிக்க வேண்டும் என்பதைச் சொன்னால் சரியாக இருக்கும்.
பிசினஸ் செய்ய முடிவு செய்துவிட்டால், அதைப்பற்றி வெறுமனே பேசிக்கொண்டும், யோசித்துக் கொண்டும் இருந் தால், உங்களுக்கான தொழிலை உங்களால் கண்டுபிடித்துவிட முடியாது. துளியும் யோசிக்காமல், களத்தில் இறங்க வேண்டும்.
நீங்கள் ஒரு கடை வைத்து நடத்தப் போகிறீர்கள் என்றால், முதலில் ஒரு கடைத் தெருவுக்குச் செல்லுங்கள். அங்கு இருக்கும் ஒவ்வொரு கடையையும் கூர்ந்து பாருங்கள். அந்த இடத்தில் உங்களுக்கு இருக்கும் பிசினஸ் வாய்ப்பு என்ன என்று கண்டறியுங்கள்.
நீங்கள் ஒரு கடை வைத்து நடத்தப் போகிறீர்கள் என்றால், முதலில் ஒரு கடைத் தெருவுக்குச் செல்லுங்கள். அங்கு இருக்கும் ஒவ்வொரு கடையையும் கூர்ந்து பாருங்கள். அந்த இடத்தில் உங்களுக்கு இருக்கும் பிசினஸ் வாய்ப்பு என்ன என்று கண்டறியுங்கள்.
உதாரணமாக, ஒரு கடைத் தெருவில் முதல் கடை ஒரு ஜுவல்லரிக் கடை. அதற்கடுத்து, ஒரு ஜவுளிக் கடை. அடுத்து, ஒரு எலெக்ட்ரானிக்ஸ் பொருட்களை விற்கும் கடை. அடுத்து, ஒரு ஐஸ்க்ரீம் பார்லர். அடுத்து ஒரு பாத்திரக் கடை. அடுத்து, ஒரு பலசரக்குக் கடை. இப்படிச் சின்னதும் பெரியதுமாகப் பல கடைகள் வரிசையாக இருக் கின்றன.
இத்தனை கடைகளையும் தாண்டிச் சென்ற உங்களுக்குப் பளிச்சென ஒரு விஷயம் தெரிகிறது. இத்தனை கடைகள் இருந்தும் ஒரு ஹோட்டல் இந்தக் கடைத் தெருவில் இல்லையே என்பதை நீங்கள் கவனிக்கிறீர்கள். ஆக, அந்த இடத்தில் ஒரு ஹோட்டல் தொடங்க ஒரு வாய்ப்பு இருப்பதை நீங்கள் புரிந்துகொள்கிறீர்கள். இதுதான் உங்களுக்கான தொழில் அல்லது பிசினஸ் வாய்ப்பு.
‘உங்களைச் சுற்றியுள்ள மனித சமூகத்துக்கு உங்களால் எப்படி உதவ முடியும் என்பதைக் கவனி யுங்கள். உங்களுக்கான தொழிலை எளிதில் கண்டுபிடித்து விடுவீர் கள்’ என்கிறார் அலிபாபாவின் ஜாக் மா. ஒரு கடைத் தெருவில் ஐம்பது கடைகள் இருக்கின்றன. இந்தக் கடைகளுக்குப் பல ஆயிரம் பேர் தினமும் வந்து போவார்கள். இவர்கள் சாப்பிட ஒரு நல்ல ஹோட்டல் இருந்தால் நன்றாக இருக்குமே என்று நமக்குள் எழும் சிந்தனைதான் ஒரு ஹோட்டலை ஆரம்பிக்கும் பிசினஸ் வாய்ப்பாக மாறுகிறது.
ஆக, ஒரு பேப்பரையும் பேனாவையும் எடுத்துக்கொண்டு நீங்கள் தொழில் தொடங்க நினைக்கும் கடைத்தெருவுக்குச் செல்லுங்கள். அங்கு என்னென்ன வெல்லாம் விற்கிறார்கள், என் னென்னவெல்லாம் விற்கவில்லை என்பதைப் பட்டியலிடுங்கள். அதிகம் விற்கப்படாத, அதே நேரத்தில் அங்குள்ள அதிக மனிதர்களுக்கு அவசியம் தேவைப்படும் பொருட்களை பட்டியலிட்டுக் கொள்ளுங்கள். அந்தப் பொருளை விற்பதில் உங்களுக்கு உள்ள வாய்ப்புகளைப் பரிசீலியுங்கள். இப்படிப் பரிசீலித்தபின் மூன்று, நான்கு தொழில்களை எழுதுங்கள்.
இதன் அடுத்த கட்டமாக, இந்த மூன்று அல்லது நான்கு தொழில்களைப் பற்றி மட்டும் விசாரிக்க ஆரம்பியுங்கள். உதாரணமாக, 1. ஹோட்டல் நடத்துவது, 2. வீடு கட்டத் தேவையான பொருட்களை விற்பது, 3. இருசக்கர வாகனங் களுக்கான உபகரணங்களை விற்பது என மூன்று தொழில்களை நீங்கள் ‘ஷார்ட் லிஸ்ட்’ செய் கிறீர்கள்.
உதாரணமாக, ஹோட்டல் நடத்த முடிவு செய்கிறீர்கள் எனில், ஒரு ஹோட்டலில் வேலை பார்க்கும் சர்வரில் ஆரம்பித்து, சமையல்காரர், பொருட்களை பர்ச்சேஸ் செய்யும் மேனேஜர், அந்த ஹோட்டலின் முதலாளி என பலருடன் பேசுங்கள். குறைந்தது 15 ஹோட்டல்களை யாவது நீங்கள் முழுமையான ஆய்வுக்கு உட்படுத்த வேண்டி யிருக்கும்.
எந்த ஹோட்டல் முதலாளி யாவது தனது தொழில் ரகசியத்தை பகிர்ந்து கொள் வாரா? என்று நீங்கள் நினைக்க லாம். உங்களை ஒரு போட்டி யாளர் என்று நினைக்காத வரை அவர் கற்றறிந்த விஷயத்தை உங்களிடம் பகிர்ந்துகொள்ளத் தயங்கமாட்டார். எல்லோரும் உள்ளபடி பகிர்ந்துகொள்ளா விட்டாலும் சிலராவது சொல்லி விடுவார்கள். அவர்கள் சொல்வ திலிருந்தே நாம் பல விஷயங் களைக் கற்றுக் கொள்ளலாம்.
இப்படி ஒவ்வொரு தொழில் பற்றியும் உங்களுக்குச் சரியான தொரு புரிதல் வந்தபிறகு, கடைசி யாக உங்களுக்கு எல்லா வகை யிலும் சரியாக இருக்கும் என்று நீங்கள் நினைக்கும் ஒரேயொரு தொழிலைத் தேர்வு செய்து அதில் தைரியமாக இறங்கலாம்.
உதாரணமாக, ஹோட்டல் நடத்த முடிவு செய்கிறீர்கள் எனில், ஒரு ஹோட்டலில் வேலை பார்க்கும் சர்வரில் ஆரம்பித்து, சமையல்காரர், பொருட்களை பர்ச்சேஸ் செய்யும் மேனேஜர், அந்த ஹோட்டலின் முதலாளி என பலருடன் பேசுங்கள். குறைந்தது 15 ஹோட்டல்களை யாவது நீங்கள் முழுமையான ஆய்வுக்கு உட்படுத்த வேண்டி யிருக்கும்.
எந்த ஹோட்டல் முதலாளி யாவது தனது தொழில் ரகசியத்தை பகிர்ந்து கொள் வாரா? என்று நீங்கள் நினைக்க லாம். உங்களை ஒரு போட்டி யாளர் என்று நினைக்காத வரை அவர் கற்றறிந்த விஷயத்தை உங்களிடம் பகிர்ந்துகொள்ளத் தயங்கமாட்டார். எல்லோரும் உள்ளபடி பகிர்ந்துகொள்ளா விட்டாலும் சிலராவது சொல்லி விடுவார்கள். அவர்கள் சொல்வ திலிருந்தே நாம் பல விஷயங் களைக் கற்றுக் கொள்ளலாம்.
இப்படி ஒவ்வொரு தொழில் பற்றியும் உங்களுக்குச் சரியான தொரு புரிதல் வந்தபிறகு, கடைசி யாக உங்களுக்கு எல்லா வகை யிலும் சரியாக இருக்கும் என்று நீங்கள் நினைக்கும் ஒரேயொரு தொழிலைத் தேர்வு செய்து அதில் தைரியமாக இறங்கலாம்.
இப்படி நீங்கள் தேர்வு செய்யும் தொழிலில் உங்களுக்கு நேரடியாக அனுபவம் இருக்க வேண்டும் என்பதற்காக, அந்தத் தொழிலில் சில ஆண்டுகள் வேலை செய்வது அவசியம் என்பார்கள் சிலர். இந்த முன் அனுபவம் தேவைதான். ஆனால், அதைவிட முக்கியம், நம்முன் உள்ள பிசினஸ் வாய்ப்பு.
ஒரு ஹோட்டல் தொடங்கி நடத்தும் வாய்ப்புப் பிரகாசமாக இருக்கிறது என்று தெரிந்தபின், அதில் உடனடியாக இறங்கிவிடு வதே சரி. அந்தத் தொழிலை நேரடியாகக் கற்றுக்கொள்கிறேன் என்கிற பெயரில் நாட்களைக் கடத்தினால், இன்னொருவர் அந்த பிசினஸ் வாய்ப்பை தட்டிச்சென்றுவிடும் ஆபத்து உண்டு. எனவே, ஒரு தொழிலை ஆரம்பித்துவிட்டு, அதில் இருக்கும் நெளிவுசுளிவுகளைக் கொஞ்சம் கொஞ்சமாகத் தெரிந்துகொள்ள முயற்சிக்க லாமேயொழிய, ஒரு தொழிலை முழுவதுமாகத் தெரிந்துகொண்ட பின் தொடங்குவேன் என்று பிடிவாதம் பிடிக்கக்கூடாது.
நமக்கான பிசினஸ் வாய்ப்பை எளிதாகக் கண்டுபிடிக்க ஒரு எளிய வழி உண்டு. ‘திருச்சிக்குப் போயிருந்தேன். ஒரு துணிக்கடை. துணியை வாங்கியவுடனே அதைத் தைக்க அங்கேயே ஒரு டெய்லரிங் கடை. தைக்கக் குடுத்த துணி ரெடி ஆவதற்குள் சாப்பிட அருமையான சாப்பாடு. வீட்டுக்குத் தேவையான பொருட் களை அங்கேயே வாங்கிக் கொள்கிற மாதிரி ஒரு சூப்பர் மார்க்கெட் என அமர்க்களப் படுத்தி இருக்கிறார்கள். இந்த மாதிரி ஒரு கடையை நான் ஏன் சென்னை அண்ணா நகரிலோ, அடையாரிலோ தொடங்கக் கூடாது?’ என்று நீங்கள் எங்கேயோ பார்த்த ஒரு பிசினஸை உங்களூரில் தொடங்கலாம்.
இப்படிச் செய்வதற்கு ‘borrowed innovation’ என்று பெயர். இப்படிச் செய்யும்போது, ஒருவர் செய்ததை நீங்கள் அப்படியே காப்பி அடிக்கிறீர்கள் என்றாலும், உங்கள் ஏரியாவுக்கு அது புதிது. இதை வேறு ஒருவர் நடைமுறைப் படுத்தும்முன் நீங்கள் அதைச் செய்வதே புத்திசாலித்தனம்.
சரி, உங்களுக்கான ஒரு தொழிலைக் கண்டுபிடித்துவிட் டீர்கள். அதை இன்னும் சில காரணிகளுக்கு உட்படுத்திப் பார்த்தபின்பே அதை செய்ய லாமா, கூடாதா என்பதை நீங்கள் முடிவு செய்ய வேண்டும். அந்தக் காரணிகளை அடுத்த இதழில் சொல்கிறேன்.
சரி, உங்களுக்கான ஒரு தொழிலைக் கண்டுபிடித்துவிட் டீர்கள். அதை இன்னும் சில காரணிகளுக்கு உட்படுத்திப் பார்த்தபின்பே அதை செய்ய லாமா, கூடாதா என்பதை நீங்கள் முடிவு செய்ய வேண்டும். அந்தக் காரணிகளை அடுத்த இதழில் சொல்கிறேன்.
பிசினஸ் சீக்ரெட்ஸ் - 5
‘கவின்கேர்’ சி.கே.ரங்கநாதன்
வடிகட்டுங்கள்!
நம்மைச் சுற்றி இருக்கிற பல ஆயிரம் தொழில்களில் நமக்கு ஏற்ற தொழில் எது என்பதைத் தேர்வு செய்தபின், அந்தத் தொழிலை சில வடிகட்டிகளின்படி (filters) அலசிப் பார்க்க வேண்டும். அதன்பிறகே அந்தத் தொழிலில் இறங்கலாமா என்பதை முடிவு செய்யலாம். அந்த வடிகட்டிகளை ஒவ்வொன்றாகச் சொல்கிறேன்.
எதிர்கால வளர்ச்சி (Growth or Scalability)
நீங்கள் தேர்வு செய்யும் தொழில் எதிர்காலத்தில் நல்ல வளர்ச்சிக்கு வாய்ப்புள்ள தொழிலாக இருக்க வேண்டும். உதாரணமாக, சென்னை அடையாறு பகுதியில் ஒரு ஹோட்டல் தொடங்குகிறீர்கள். குறுகிய காலத்திலேயே அது மக்களிடம் பிரபலம் அடைகிறது. பிறகு அதேமாதிரியான ஒரு ஹோட்டலை அண்ணா நகரில் ஆரம்பிக்கிறீர்கள். அங்கும் வெற்றி. பிறகு புரசைவாக்கம், தி.நகர், ஆழ்வார்ப்பேட்டை, பாரிமுனை எனப் பல பகுதிகளில் விஸ்தரிக்கிறீர்கள்.
உங்கள் ஹோட்டலின் பெருமை சென்னையைத் தாண்டி, தமிழகத்தின் மற்ற ஊர்களிலும் பரவுகிறது. பிறகு கோவையில், மதுரையில், திருச்சியில் என முக்கியமான எல்லா ஊர்களிலும் திறக்கிறீர்கள்.
அடுத்து பெங்களூரு, ஹைதராபாத், திருவனந்தபுரம் என தென்மாநிலங்களிலும் திறக்கிறீர்கள். அடுத்து, தமிழர்கள் அதிகம் இருக்கிற சிங்கப்பூர், மலேசியா, லண்டன், பாரீஸ், கனடா, அமெரிக்கா போன்ற வெளிநாடுகளிலும் திறக்கிறீர்கள்.
ஆக, சென்னையின் ஒரு பகுதியில் ஆரம்பித்த ஹோட்டல் பிசினஸ் எத்தனை இடங்களில் விஸ்தரிக்கிற முடிகிறது என்பதைப் பார்த்தீர்களா? இதுதான் ‘குரோத்’ அல்லது ‘ஸ்கேலபிலிட்டி’ என்கிறோம். இதுமாதிரியான தொழில்களைத் தேர்வு செய்ய வேண்டும்.
சில தொழில்கள் பார்ப்பதற்கு படுகவர்ச்சியாக இருக்கும். ஆனால், வளர்ச்சிக்கான வாய்ப்புகள் மிக, மிகக் குறைவாக இருக்கும். அதுமாதிரியான தொழில்களைத் தேர்வு செய்யக்கூடாது.
கைக்கெட்டும் வாய்ப்பை முதலில் கைப்பற்றுங்கள்!
எந்தத் தொழிலில் லாபத்தை வேகமாகவும் அதிகமாகவும் பெற முடியுமோ, அந்தத் தொழில்களே
நம்முடைய முதல் தேர்வாக இருக்க வேண்டும். ஆங்கிலத்தில் இதை ‘low hanging fruits’ என்பார்கள். ஒரு மாமரத் தோட்டத்துக்குப் போகிறோம்.
நம்முடைய முதல் தேர்வாக இருக்க வேண்டும். ஆங்கிலத்தில் இதை ‘low hanging fruits’ என்பார்கள். ஒரு மாமரத் தோட்டத்துக்குப் போகிறோம்.
அருமையான மாம்பழம் ஒன்று கைக்கெட்டும் தூரத்தில் இருக் கிறது. இன்னொரு மரத்தில் மிக உயரத்தில் இன்னொரு மாம்பழம் இருக்கிறது. கைக்கெட்டும் தூரத்தில் இருக்கும் மாம்பழத்தை பறித்துச் சாப்பிடுவதை விட்டுவிட்டு, உயரத்தில் இருக்கும் மாம்பழத்தைத்தான் சாப்பிடு வேன் என்று அடம்பிடிக்கக் கூடாது. ஒரு ஜவுளிக்கடை வைத்து நடத்துவதற்கான வாய்ப்பு பிரகாசமாக இருக்கிறது என்று தெரிந்தால், அதைச் செய்வதை விட்டுவிட்டு நான் பஸ் டிரான்ஸ்போர்ட் கம்பெனியைத்தான் நடத்துவேன் என்று அடம்பிடிக்கக் கூடாது.
தொழில்களைப் பொறுத்த வரை, இரண்டு வகைகளாகப் பிரிக்கலாம். ஒன்று, ‘சன்ரைஸ் இண்டஸ்ட்ரீஸ்’ மற்றொன்று ‘சன்செட் இண்டஸ்ட்ரீஸ்’. சன்ரைஸ் இண்டஸ்ட்ரீஸ் என்பது இப்போதுதான் தொடங்கி இருக்கிற தொழில். அதிகமான வளர்ச்சிக்கு வாய்ப்புள்ள இந்தத் தொழிலில் போட்டிகள் குறைவு என்பதால், நிறைய வாடிக்கையாளர்கள் கிடைப்பார்கள். லாபமும் ஓரளவுக்கு அதிகமாகவே இருக்கும்.
ஆனால், சன்செட் இண்டஸ்ட்ரீஸ்கள் என்பது பல ஆண்டுகளுக்கு முன்பே அறிமுகமான தொழில். பல ஆண்டுகளாக இருப்பதால், இதில் போட்டியாளர்கள் அதிகம். எனவே, வளர்ச்சிக்கான வாய்ப்புகள் குறைவு. தவிர, லாபமும் குறைவாகவே இருக்கும். இன்னும் சில ஆண்டுகளில் முழுக்கக் காணாமலே போய்விடக்கூடிய வாய்ப்பும் இருக்கிறது. ஆக, நீங்கள் தேர்வு செய்யும் தொழில் சன்ரைஸ் இண்டஸ்ட்ரீஸா அல்லது சன்செட் இண்டஸ்ட்ரீஸா என்பதை அவசியம் பாருங்கள்!
முதலீட்டின் மீதான வருமானம் (Return on Investment)
நீங்கள் பிசினஸ் செய்வது எதற்காக? நல்ல லாபம் கிடைக்கும் என்பதற்காகத்தான். லாபமே இல்லாமல் ஒரு பிசினஸை யாரும் செய்ய மாட்டார்கள். எனவே, செய்யப்படும் முதலீடு, செய்கிற உழைப்பு – இந்த இரண்டுக்கும் ஏற்ற லாபம் கிடைக்குமா என்பதைப் பார்க்க வேண்டும்.
இந்த லாபம் என்பது அதிகமாக இருக்க வேண்டும் என்பதுதான் எல்லோரது எதிர்பார்ப்பும். அதிகம் என்றால்? சிலர் 100% வேண்டும் என்பார்கள். இன்னும் சிலர், 50% போதும் என்பார்கள். இன்னும் சிலர் 20% கிடைத்தாலே போதும் என்பார் கள். ஆக, தொழில் செய்கிறவரின் எதிர்பார்ப்புக்கேற்ப லாபத்தின் அளவு மாறும்.
இந்த லாபமானது எப்படி நிர்ணயம் செய்யப்படுகிறது? ஒரு தொழில் நடத்தத் தேவையான அனைத்து விஷயங் களுக்குமான செலவுகள் ஒருபக்கம்; அந்தத் தொழிலை நடத்துவதன் மூலம் கிடைக்கும் அனைத்து வரவுகளும் இன்னொரு பக்கம்; இந்த இரண்டு்க்கும் உள்ள வித்தியாசம்தான் லாபம் அல்லது நஷ்டம்.
உதாரணமாக, ஒரு தொழிலை நடத்த 1 லட்சம் ரூபாய்ச் செலவாகிறது. (தொழிலுக்கான முதலீடு கடனாக வாங்கி இருந்தால், அதற்குச் செலுத்தப்படும் வட்டியும் செலவுக் கணக்கில் சேர்க்கப்பட வேண்டும். தவிர, தொழில் செய்கிறவரின் சம்பளமும் இதில் சேர்க்கப்பட வேண்டும். முக்கியமாக, தேய்மானத்தின் அளவையும் செலவுக் கணக்கில் கட்டாயம் சேர்க்க வேண்டும். பலர் இதைச் செய்யாமல் விடுவதால், பிற்பாடு நஷ்டம் அடைகின்றனர். தேய்மானம் பற்றி பிற்பாடு விரிவாகச் சொல்கிறேன்!) அந்தத் தொழில் மூலம் உங்களுக்குக் கிடைத்த வருமானம் 1.20 லட்சம் ரூபாய். ஆக, உங்களுக்கு 20 ஆயிரம் லாபம். அதாவது, 20% லாபம். இப்படித்தான் லாபம் கணக்கிடப்படுகிறது.
இந்த லாபம் என்பது வெறும் 10 சதவிகிதத்தில் இருந்தால் (முதலீடு உங்கள் சொந்தப் பணமாக இருக்கும்பட்சத்தில்), அந்தத் தொழிலை நீங்கள் செய்யாமலே விட்டுவிடலாம். காரணம், அந்தப் பணத்தை வங்கி டெபாசிட்டில் போட்டாலே உங்களுக்கு 8% வட்டி வருமானம் கிடைத்துவிடும். கஷ்டப்பட்டு வியாபாரம் செய்து, கூடுதலாக வெறும் 2 சதவிகிதம் மட்டுமே கிடைத்தால், அதனால் பெரிய நன்மை எதுவும் இருக்காது. இந்த லாபம் பிற்பாடு அதிகமாகும் என்கிற உறுதி இருந்தால் மட்டுமே இதுமாதிரியான நிலையை அனுமதிக்கலாம்.
எனவே, நீங்கள் ஆரம்பிக்கும் தொழிலில் குறைந்தபட்சம் 20 முதல் 25 சதவிகிதம் லாபம் கிடைக்கிற மாதிரி இருக்கிறதா என்று பார்ப்பது அவசியம்.
எளிமையான பிசினஸ்!
நீங்கள் தேர்வு செய்யும் பிசினஸ் எளிமை யானதாக இருக்க வேண்டும். உதாரணமாக, மருந்து தயாரித்து விற்பதும் ஒரு பிசினஸ்தான். இட்லி, தோசை விற்பதும் ஒரு பிசினஸ்தான். ஆனால், மருந்து தயாரிப்பு என்பது சிக்கலானது. மருந்து தயாரிப்பு நிறுவனங்கள் மிகப் பெரும் முதலீட்டில் நடப்பவை என்பதுடன் மருந்துகளைத் தயாரிக்கும்போது கடைப்பிடிக்க வேண்டிய தரங்கள் கறாரானவை. இதில் ஒரு சிறு தவறு நடந்தாலும் மிகப் பெரிய விளைவுகளைச் சந்திக்க வேண்டியிருக்கும். இன்றைக்கு அமெரிக்காவின் மருந்துக் கட்டுப்பாட்டுத் துறை திடீர் திடீரென மருந்து தயாரிக்கும் நிறுவனங்களை ஆய்வு செய்து ரிப்போர்ட் தரு கிறது. இதில் ஏதாவது ஆட்சேபனைகள் இருந்தால், மருந்து விற்பனை பெரிய அளவில் பாதிப்படையும். இது மாதிரியான தொழில்களில் கரணம் தப்பினால் மரணம்தான்.
ஆனால், இட்லி, தோசை விற்பனை அப்படி சிக்கலான தொழிலல்ல. ஒரு நாளைக்கு இட்லி மாவில் உப்பு போட வில்லை என்றாலும், யாராவது சுட்டிக்காட்டியவுடன் அதைச் சரிசெய்துவிடலாம். இதனால் பெரிய அளவில் இழப்பு ஏற்படாது.
இதற்காக சிக்கலான பிசினஸை செய்யவே கூடாது என்று நான் சொல்ல மாட்டேன். அதற்கான நிபுணத்துவமும் அனுபவமும் இருந்தால் நிச்சயம் செய்யலாம். ஆரம்பத்தில் இந்த இரண்டு விஷயங்களும் சிலருக்கு மட்டுமே இருக்கும். எனவே, தொடக்கத்தில் எளிய பிசினஸைத் தேர்வு செய்வதே நல்லது.
இதற்காக சிக்கலான பிசினஸை செய்யவே கூடாது என்று நான் சொல்ல மாட்டேன். அதற்கான நிபுணத்துவமும் அனுபவமும் இருந்தால் நிச்சயம் செய்யலாம். ஆரம்பத்தில் இந்த இரண்டு விஷயங்களும் சிலருக்கு மட்டுமே இருக்கும். எனவே, தொடக்கத்தில் எளிய பிசினஸைத் தேர்வு செய்வதே நல்லது.
தவறு நடந்தால்..? (Margin of Errors)
ஒரு தொழிலை செய்யும்போது, ஏதாவது தவறு செய்து அதனால் ஏற்படும் இழப்பிலிருந்து தப்பித்து வெளியே வரமுடியுமா என்று பார்க்க வேண்டும். இதற்கு அந்தத் தொழில் மூலம் நல்ல லாபம் கிடைக்க வேண்டும்.
உதாரணமாக, நீங்கள் ஒரு பேக்கரியை வைத்து நடத்துகிறீர் கள். இதன் மூலம் உங்களுக்கு 100 சதவிகிதம் லாபம் கிடைக்கிறது என்று வைத்துக்கொள்வோம். அதாவது, உங்கள் செலவு ரூ.50,000 எனில், உங்களுக்குக் கிடைக்கும் நிகர லாபம் (Gross margin) ரூ.50,000 என்று வைத்துக் கொள்வோம்.
இந்த நிலையில், அடுத்த மாதம் தேவைப்படும் என நீங்கள் ரூ.50,000 மதிப்புள்ள மைதாவை வாங்கி குடோனில் வைத்திருக்கிறீர்கள். திடீரெனப் பெய்த மழையினால், குடோனின் கூரையில் இருந்த ஒரு சிறு ஓட்டை வழியாக ஒழுகிய தண்ணீரால், அத்தனை மைதா வும் வீணாகி, உங்களுக்கு ரூ.50,000 நஷ்டம் ஏற்படுகிறது. இந்த நஷ்டம் உங்களுக்குப் பெரிய பாதிப்பை ஏற்படுத்துமா?
நிச்சயம் ஏற்படுத்தாது. காரணம், உங்களுக்கு ஒவ்வொரு மாதமும் ரூ.50,000 லாபம் கிடைக் கிறது. எனவே, இப்போது ஏற்பட்ட இந்த நஷ்டத்தை எளிதில் சமாளித்து, அந்தத் தொழிலை உங்களால் தொடர்ந்து செய்ய முடியும்.
இதுவே, உங்கள் தொழில் மூலம் கிடைக்கும் லாபம் 10 சதவிகிதத்துக்கும் குறைவு என்றால், திடீரென ஏற்படும் பாதிப்புகளில் இருந்து சமாளித்து வரவே முடியாது. இதைத்தான் ‘மார்ஜின் ஆஃப் எரர்ஸ்’ என்கிறோம். மார்ஜின் ஆஃப் எரர்ஸ் குறைவாக இருந்தால், கீழே விழுந்தாலும் மீசையில் மண் ஒட்டவில்லை என்று உங்களால் சமாளித்துவிட முடியும்.
இந்த ஐந்து வடிகட்டிகளில் ஒரு தொழில் தேறினால், அந்தத் தொழிலை நீங்கள் தைரியமாகத் தொடங்கலாம். தொடங்கிவிட் டால் மட்டும் போதாது. அதை எப்படிச் செய்கிறீர்கள் என்பது முக்கியம். அதை அடுத்த இதழில் சொல்கிறேன்.
No comments:
Post a Comment